In navolging van het Gulpens duo:- Bedankt en Adiéje- is er weer een Limburgse formatie die ophoudt te bestaan. Hier een bericht van de Maastrichtse groep Ammezevoe:
Leef fans femilie en vrun vaan Ammezévoe.
Langs dizze weeg wille veer uuch metdeile tot ‘n ind is gekomme aon ‘t bestoon vaan de groep ammezévoe!
Nao vief jaor goon veer eder uzze eige weeg.Zeet neet getreurd.D’r is ouch nog get nuijts oet Ammezévoe veurt gekomme.Zoe es geer al had kinne merke is noe bijnao twie jaor gelije bij Maurice ‘t idee ontstande um neve de groep nog ‘n aander muzikaal activiteit te goon doen.Es Dino Martini,de Dean martin imitator heet heer zelfs via d’n tv laote zien ouch euver aander kwaliteite te besjikke.Verleije jaor heet ouch René vaan ziech solo get muzikaals laote huure.In september brach heer e single cdke oot met dreij solo nummers die ouch neet oonverdeenstelik kloonke.En es ‘t blood kriebelt,daan kriebelt ‘t good.René is de studio ingedoke um zien solo repertoire oet te breije. En neve Dino Martini welt Maurice ouch met aander nummers zien muzikaal vleugelle oetsloon..Um dit alles te blieve kombinere is lestig.D’r moste keuze’s gemaak weure.Um Ammezévoe neet in de weeg te goon laope,is beslote um de groep te ontbinde.Jaomer mer aon alles kump ‘n ind!Netuurlik kieke veer trök op vief geweldige muzikaal jaore die begonne zien met dee oonvergetelikke ,Mestreechterleedsjes wals.Dee woort tot zelfs in Belsj e groet sucses.En nog is heer neet mie weg te dinke met de vastelaovend. Op de veuraovend tot veur Ammezévoe ‘t dook ging valle,Kraoge veer ‘n bekroening op us werrik.Op 21 jannewarie vaan 2012 ontvinge veer vaan de vastelaovendsvereiniging De Spasbinke oet Genk,de Gouden legpenning door de börrigemeister
oetgereik.’N sjieke bekroening op us werk vaan de aofgelaope vief jaor!
Leef vrun res us nog te zegke tot veer ‘t manjefiek höbbe gevoonde um uuch vief jaor laank te mage ammezére met uzze meziek.
Tot Ammezévoe!
.jpg "Ton en Shelly")
Laatste reacties